Termine Schleudergang

Ja, meine Damen und Herren,
mia samma da Schleudergang – und nein, mia verkauf’n koane Waschmaschinen. Wenn ma so hoaß’n, dann nur, weil mia Eich musikalisch zurückschleudern in die guade oide Zeit: damals, wo’s Bier dunkel war, die Burschen schneidig, die Deandl sitzsam und die Ministranten erstaunlich ruhig. A Welt, wo no alles irgendwie g’passt hat.
Aber es gibt aa Leit, de sagn, unser Name käm von wo ganz anders her. Weil ma halt gern im Wirtshaus spuin… und dort gibt’s bekanntlich ned nur Apfelschorle. Und wenn’s dann spät wird und ma hoamgeh… naja, dann schleudert’s uns im Gang manchmal a weng. Vielleicht hoaß ma deswegen Schleudergang.
Aber pssst – des bestreitet ma offiziell natürlich vehement.